برسلز (نیشنل ٹائمز) یورپی یونین، بیلجیئم اور لکسمبرگ میں پاکستان کے سفیر رحیم حیات قریشی نے آج برسلز میں “برسلز انٹرپرائزز، کامرس اینڈ انڈسٹری” (BECI) کے چیف ایگزیکٹو آفیسر تھیری گیئرٹس سے ملاقات کی۔
ملاقات کے دوران سفیر پاکستان نے برسلز ریجن کی کمپنیوں کے لیے پاکستان میں تجارت اور سرمایہ کاری کے موجود مواقع پر تفصیلی روشنی ڈالی اور ان امکانات کو اجاگر کیا جو دونوں ممالک کے نجی شعبے کو باہمی تعاون کے ذریعے میسر آ سکتے ہیں۔
فریقین کے درمیان پاکستان اور بیلجیئم کی کمپنیوں کے مابین کاروباری روابط کو فروغ دینے، تجارتی وفود کے تبادلوں اور مشترکہ منصوبہ جات کی امکانات پر بھی خصوصی گفتگو ہوئی۔ ملاقات کو دونوں جانب سے مفید اور مستقبل کے لیے مثبت پیش رفت قرار دیا گیا۔
