برسلز (نیشنل ٹائمز) پاکستان کے سفیر برائے یورپی یونین، بیلجیئم اور لکسمبرگ، رحیم حیات قریشی نے برسلز میں انسانی حقوق اور امن کی معروف کارکن مرجان لوکاس سے ملاقات کی۔ اس ملاقات کے دوران سفیر قریشی نے مظلوم طبقات خاص طور پر مقبوضہ جموں و کشمیر کے عوام کے لیے مرجان لوکاس کی مستقل حمایت کی تعریف کی۔

سفیر پاکستان نے اس موقع پر کہا کہ عالمی انسانی حقوق کی تنظیموں کو مسئلہ کشمیر کے منصفانہ حل کے لیے فوری اقدامات کرنا چاہیے، جو اقوام متحدہ کی سلامتی کونسل کی قراردادوں اور کشمیری عوام کی خواہشات کے مطابق ہو۔ انہوں نے اس بات پر زور دیا کہ مسئلہ کشمیر کا حل عالمی سطح پر اہمیت رکھتا ہے اور اسے ترجیحی بنیادوں پر حل کیا جانا چاہیے۔

اس ملاقات کے دوران سفیر قریشی نے مرجان لوکاس کو ایک کشمیری شال کا تحفہ بھی پیش کیا، جو کشمیر کی ثقافت اور اس کے عوام کی جدوجہد کا عکاس تھا۔