بیجنگ(شِنہوا)چین کے تیان گونگ خلائی سٹیشن پر کئے گئے 25 سائنسی تجربات سے حاصل کردہ تازہ ترین نمونے زمین پر واپس لائے گئے ہیں جن کا مجموعی وزن تقریباً 37.25 کلو ہے۔
شین ژو-19 خلائی جہاز پر واپس لائے گئے یہ نمونے مدار کی لیبارٹری سے واپس لائے گئے نمونوں کی 8ویں کھیپ ہیں۔ چینی اکیڈمی آف سائنسز(سی اے ایس) کی جاری کردہ خبر کے مطابق واپس لائے گئے مواد خلائی حیاتیاتی سائنس، مادی سائنس اور نئی خلائی ٹیکنالوجیز پر مبنی ہیں۔
خلائی حیاتیاتی سائنس کے وقت کے لحاظ سے حساس نمونوں کو فوری طور پر لینڈنگ سائٹ سے بیجنگ منتقل کیا گیا۔ بدھ کی رات تقریباً 9 بج کر 40 منٹ پر ٹیکنالوجی اینڈ انجینئرنگ سنٹر فار سپیس یوٹیلائزیشن(سی اے ایس) کی جانب سے معائنے کے بعد یہ نمونے مزید تحقیق کے لئے سائنسدانوں کے حوالے کئے گئے۔
نتائج سے خلائی مشنوں کے دوران انسانی صحت کے تحفظ کے لئے اہم معلومات اور نظریاتی مدد ملنے کی توقع ہے جبکہ یہ تحقیق زمین پر طبی تحقیق میں بھی اہم کردار ادا کر سکتی ہے۔