اسلام آباد(نیشنل ٹائمز)غیر ملکی میڈیا کے مطابق مقبوضہ کشمیر اسٹوڈنٹس ایسوسی ایشن کے کنوینر ناصر کھوہامی نے کہا کہ کشمیری طلبہ پر دہشتگرد ہونےکاا لزام عائد کیا جارہا ہے، بھارتی ریاستوں اتراکھنڈ، اترپردیش اور ہماچل پردیش میں کشمیری طلبہ سے اپارٹمنٹ اور ہاسٹل چھوڑنے کا کہا جارہاہے،نہ چھوڑنے پرسنگین نتائج کی دھمکیاں دی جارہی ہیں۔ناصرکھوہامی نے کہا کہ ہماچل پردیش کی یونیورسٹی میں ہاسٹل کے دروازے توڑے جانے کے بعد طلبہ کو ہراساں کیا گیا اور تشدد کا نشانہ بنایاگیا، یہ مخصوص علاقے اور شناخت رکھنے والے طلبہ کے خلاف نفرت اور توہین کی مہم ہے۔یاد رہے کہ 3 روز قبل مقبوضہ کشمیر کے ضلع پہلگام کے سیاحتی مقام پر فائرنگ کے واقعے میں 26 افراد ہلاک اور ایک درجن زخمی ہوگئے تھے۔