اسلام آباد(نیشنل ٹائمز)نیوزی لینڈ میں پریس کانفرنس کرتے ہوئے محمد یوسف کا کہناتھاکہ اوپنرز نے اچھے اسٹرائیک ریٹ سے آغاز کیا اور مڈل میں بھی سلمان آغا اور بابر نے میچ بنالیا تھا لیکن 40ویں اوور میں اوپر نیچے دو وکٹیں گر جانے سے پریشربڑھ گیا۔انہوں نے کہا کہ صبح کے وقت ٹریک بولنگ کےلیے سازگارتھا، مارک چیپ مین اور ڈیرل مچل نے عمدہ اننگزکھیلی، محمد عباس نے بھی اچھا اسکورکرکے ہدف کو آسان بنا دیا۔صحافی کے سوال پر سلمان آغا اور عرفان نیازی کا نام لیے بغیر کہا کہ دونوں پارٹ ٹائم بولرز مہنگے ثابت ہوئے، 43 رنزبولرز نے اضافی دیے جس کو کنٹرول کرناہوگا اور کوچز جائزہ لیں گے کہ اتنے رنز کیوں پڑ گئے۔محمد یوسف کا کہنا تھاکہ دوسرے ون ڈے سےقبل دیکھیں گے پانچویں بولرکی ضرورت ہے یا نہیں؟ آل راؤنڈر کو کھلانا ہے یا ایک مکمل بولر کو پلیئنگ الیون میں رکھنا ہے ٹیم منیجمنٹ اگلے میچ میں بولنگ یونٹ کا جائزہ لے گی۔بیٹنگ کوچ ٹیم کی سلیکشن سے متعلق سوال بھی ٹال گئے اور اس وقت پلیئنگ الیون پر بات کرنا مناسب نہیں، میچ کا نتیجہ کچھ اور ہوتا تو یہ فیصلہ اچھا بھی ہوسکتاتھا۔خیال رہے کہ ٹی ٹوئنٹی سیریز جیتنے والی نیوزی لینڈ ٹیم نے پہلے ون ڈے میچ میں بھی پاکستان کو 73 رنزسےشکست دےدی اور 345 رنزہدف کے تعاقب میں پاکستان کی پوری ٹیم 45ویں اوورزمیں 271 رنزبناکرآؤٹ ہوگئی۔بابراعظم 78 رنزبناکر ٹاپ اسکور رہے، سلمان آغا نے 58 رنزبنائے، تین کھلاڑیوں نے ایک ایک رن بنایا جبکہ دو کھلاڑی صفرپر آؤٹ ہوئے، نیوزی لینڈ کے نیتھن اسمتھ نے چار وکٹیں حاصل کیں۔