اسلام آباد(نیشنل ٹائمز)غیر ملکی میڈیا کے مطابق امریکا کی متعدد فیڈرل ایجنسیز نے فیڈرل ملازمین کو ہدایات جاری کی ہیں کہ وہ صدر ٹرمپ کے مشیر ایلون مسک یا ان کے ماتحتوں کی جانب سے بھیجی جانے والی ای میلز یا برطرفی کی باتوں کو نظر انداز کردیں۔رپورٹس کے مطابق ایلون مسک کی جانب سے ہزاروں فیڈرل ملازمین کو ای میلز بھیجی گئی تھیں جن میں کہا گیا تھاکہ ملازمین اپنے مسائل کے بارے میں 48 گھنٹوں میں رپورٹس پیش کریں۔تاہم امریکی فیڈرل ایجنسیز نے مسک کی جانب سے ای میلز کرنے کے اگلے ہی روز اتوار کو ایک میمو جاری کردیا جس میں ملازمین کو ہدایات جاری کی گئی ہیں۔ٹرمپ کے مشیر ایلون مسک کی سربراہی میں چلنے والے ڈپارٹمنٹ آف گورنمنٹ ایفیشنسی نے ٹرمپ انتظامیہ کے پہلے ہی ہفتے میں 20 ہزار ملازمین کو پیکج کی آفر کی تھی جس کے بعد مزید 75 ہزار ملازمین کو بائے آؤٹس پیکج آفر کیا گیا۔رپورٹس میں بتایا گیا ہےکہ ایلون مسک کے اس اقدام کے بعد ٹرمپ انتظامیہ نے ایف بی آئی اور محکمہ خارجہ میں فوری اہم تعیناتیاں کیں جنہیں ہدایات کی گئیں کہ وہ ملازمین کو ای میلز جاری کریں جن میں اپنی چین آف کمانڈ کے علاوہ کسی کی بھی ایل میلز کو نظر انداز کرنے کے احکامات دیں۔