اسلام آباد(نیشنل ٹائمز)سعودی میڈیا کے مطابق سعودی ولی عہد شہزادہ محمد بن سلمان سے امریکی وزیر خارجہ مارکو روبیو نے ریاض میں ملاقات کی جس میں دونوں رہنماؤں نے علاقائی اور بین الاقوامی صورتحال پر تبادلہ خیال کیا۔سعودی میڈیا کا کہنا ہے اس ملاقات میں دونوں ممالک کے درمیان دوطرفہ تعلقات کو بڑھانے کے طریقوں کا جائزہ لیا گیا۔ملاقات میں غزہ جنگ بندی معاہدے اور مسئلہ فلسطین پر بھی تبادلہ خیال ہوا جبکہ روس یوکرین جنگ روکنے کے بارے میں بات چیت ہوئی۔امریکی محکمہ خارجہ کی جانب سے جاری بیان میں کہا گیا ہے کہ ملاقات میں دونوں رہنماؤں نے غزہ میں ایسے انتظام کی اہمیت پر بات کی جو علاقائی سلامتی میں معاون ہو۔