اسلام آباد(نیشنل ٹائمز)بھارتی میڈیا کے مطابق 120 بھارتی غیر قانونی تارکین وطن کو لیکر خصوصی پرواز آج رات بھارت پہنچے گی۔بھارتی میڈیا رپورٹس میں بتایا گیا ہے کہ 16 فروری کو تیسری پرواز مزید 157 بھارتی تارکین وطن کو لیکر بھارت پہنچے گی۔اس سے قبل 5 فروری کو 104غیر قانونی تارکین وطن امریکی فوجی طیارے میں بھارت پہنچے تھے۔بھارتی میڈیا رپورٹس کے مطابق زیادہ تر ڈی پورٹ افراد غیرقانونی طور پر ڈنکی روٹس کے ذریعے امریکا میں داخل ہوئے تھے۔امریکا بدر ہو کر بھارت پہنچنے والے شہریوں کا کہنا تھا ہمیں انتہائی انسانیت سوز طریقے سے ہاتھ پاؤں میں ہتھکڑیاں ڈال کر بھارت پہنچایا گیا۔یاد رہے کہ بھارتی وزیراعظم نریندر مودی نے حال ہی میں امریکا کا دورہ کیا جہاں انہوں نے امریکی صدر سے ملاقات بھی کی تھی۔