اسلام آباد(نیشنل ٹائمز)غیر ملکی میڈیا کے مطابق شام کے شہر منبیج میں ہونے والے کار بم دھماکے میں 15 افراد جاں بحق ہوئے جب کہ دھماکے میں 15 افراد زخمی بھی ہوئے جن میں سے کچھ کی حالت تشویشناک ہے۔ رپورٹ کے مطابق دھماکے میں ہلاک ہونے والوں میں 14 خواتین اور ایک مرد شامل ہے جب کہ زخمی ہونی والی تمام خواتین ہیں۔ غیر ملکی میڈیا کا بتانا ہے کہ ہلاک اور زخمی ہونے والے تمام افراد کھیتوں میں کام کرتے تھے۔ واضح رہے کہ 2 روز قبل بھی منبیج شہر میں ایک کار بم دھماکا ہوا تھا جس میں 3 افراد کی ہلاکت ہوئی تھی۔