اسلام آباد(نیشنل ٹائمز ) وزیراعظم شہباز شریف کا کہنا ہے کہ ملک معاشی طور پر درست سمت میں گامزن ہے، حکومت کی کاروبار دوست پالیسیوں کی بدولت بیرونی سرمایہ کاروں کا اعتماد بحال ہوا۔ وزیر اعظم نے یہ بات معروف کاروباری شخصیات کے وفد سے گفتگو کرتے ہوئے کہی جنہوں نے پیر کو یہاں ان سے ملاقات کی جن میں شہزاد سلیم، زید بشیر، مصدق ذوالقرنین اور شہریار چشتی شریک تھے۔وفد نے وزیراعظم کو ملکی معیشت درست سمت میں گامزن کرنے پر خراج تحسین پیش کیا اور بجٹ کی کاروباری برادری میں پذیرائی سے متعلق آگاہ کیا۔ و زیر اعظم کا کہنا تھا کہ الحمدللہ ملک معاشی طور پر درست سمت میں گامزن ہے، بجٹ میں عوام کو ریلیف دینے کیلئے اقدامات شامل کئے گئے ہیں۔ کاروبار دوست پالیسیوں کی بدولت معیشت مستحکم اور بیرونی سرمایہ کاروں کا اعتماد بحال ہوا ہے۔شہباز شریف نے کہا کہ بجٹ اقدامات کے نفاذ کے لیے حکومتی ٹیم سرگرم ہے، ملکی برآمدات اولین ترجیح ہے، برآمدی صنعت کی ترقی کے لیے بجٹ اقدامات یقینی بنارہے ہیں۔انہوں نے کہا کہ صنعت، زراعت اور آئی ٹی شعبوں میں ترقی سے معیشت کو مزید استحکام ملے گا اور روزگار کے نئے مواقع فراہم ہوں گے۔ ان کا مزید کہنا تھا کہ صنعت ، زراعت اور انفارمیشن ٹیکنالوجی (آئی ٹی )آ کے شعبوں میں ترقی سے معیشت مزید استحکام ہوگی۔