لاہور(نیشنل ٹائمز)بجٹ کی منظور ی کے بعد پاکستان مسلم لیگ ن نے وفاق اور پنجاب کابینہ میں توسیع پر غور شروع کردیا۔ ذرائع مسلم لیگ ن کا کہناہے کہ پارٹی کی اعلی قیادت اس حوالے سے آج (اتوار کو ) مشاورت کرے گی جس میں وفاق اور پنجاب کابینہ میں توسیع پر غور کیا جائے گا۔ذرائع نے بتایا وزیراعظم شہباز شریف، نواز شریف اور مریم نواز کے درمیان اہم ملاقات آج(اتوار کو ) مری میں ہوگی۔ذرائع کا مزید کہنا ہے کہ ملاقات میں وفاقی اور پنجاب کابینہ کے لئے نئے ناموں کو حتمی شکل دی جائے گی جب کہ پیپلزپارٹی کے ساتھ پاور شیئرنگ کا بھی جائزہ لیا جائے گا۔
مسلم لیگ ن کا وفاق اور پنجاب کابینہ میں توسیع پر غور
