اسلام آباد(نیشنل ٹائمز) پاکستان تحریک انصاف کے مرکزی رہنما معروف قانون دان ایڈووکیٹ شوکت بسرا نے کہا ہے کہ اعجاز الحق کو 8فروری کو الیکشن میں واضح اکثریت سے شکست دی تھی،اعجاز الحق قرآن پاک پر حلف دے دیں ہم اپنی پٹیشن الیکشن کمیشن سے واپس لے لیں گے۔منگل کو سپریم کورٹ کے باہر صحافیوں سے گفتگو کرتے ہوئے تحریک انصاف کے مرکزی رہنما معروف قانون دان ایڈووکیٹ شوکت بسرا نے کہا کہ عوام نے 8 فروری کو عمران خان کو ووٹ دیاہمیں فارم 47 کی مدد سے ہرا دیا گیاہمیں نہیں ہرایا گیا عام آدمی کو ہرایا گیا جب تک عمران خان کا مینڈیٹ نہ ملا ،ہم ہار نہیں مانیں گے، اعجاز الحق قرآن پاک پر حلف دے دیں ہم اپنی پٹیشن الیکشن کمیشن آف پاکستان سے واپس لے لیں گے، لوگ ان کو پارلیمنٹ میں نہیں جیل میں دیکھنا چاہتے ہیں۔