لاہور (نیشنل ٹائمز) فلم اسٹار ریما خان حج کی سعادت حاصل کرنے کیلئے سعودی عرب میں موجود ہیں جہاں انہوں نے یوم عرفہ کے موقع پر خصوصی دعائوں کا اہتمام کیا۔اداکارہ ریما خان نے انسٹاگرام پر اپنی تازہ تصویر شیئر کی ہے جس میں وہ ہاتھوں میں سفید رنگ کی تسبیح تھامے دعائوں میں مصروف نظر آرہی ہیں۔اپنی سوشل میڈیا پوسٹ میں ریما خان نے لکھا کہ عرفات کا دن حجاج کیلئے خاص طور پر دعائیں مانگنے کا دن ہے۔انہوں نے لکھا کہ اس دن کی سب سے مشہور اور مستحسن دعائوں میں سے ایک دعائے عرفات ہے، یہ دعا بہت ذاتی اور دلی ہو سکتی ہے کیونکہ یہ دنیا بھر کے زائرین اور مسلمانوں کے لیے اللہ کی رحمت، بخشش اور برکتیں حاصل کرنے کا وقت ہے۔ اداکارہ کی پوسٹ کے کمنٹ سیکشن میں انکے پرستاروں کی جانب سے ریما کو حج کی ادائیگی پر مبارکباد پیش کرنے کا سلسلہ جاری ہے۔