کراچی (نیشنل ٹائمز) معروف اداکار عمران عباس نے اپنے سوشل میڈیا اکائونٹس ہیک ہونے سے متعلق مداحوں کو خبردار کردیا۔ عمران عباس نے اپنے مداحوں اور دوستوں کو خبردار کرتے ہوئے اپنے آفیشل انسٹاگرام ہینڈل پر پاکستانی اسٹامپ پیپر کی تصویر پوسٹ کی جس میں انہوں نے فحش مواد سے متعلق اظہارِ لاتعلقی کیا۔عمران عباس نے اپنی پوسٹ میں کہا کہ حالیہ دنوں میں ایک خطرناک اور سنگین سلسلہ شروع ہوچکا ہے، خدا نخواستہ! اگر آپ کے ساتھ ایسا ہوا تو آپ کو اپنی صفائی میں کچھ کہنے تک کا موقع بھی نہیں ملے گا۔اداکار نے کہا کہ سوشل میڈیا پر آپ کے اکائونٹ کو ہیک کیا جارہا ہے اور اس پر گستاخانہ فرقہ وارانہ اور فحش مواد شئیر کیا جارہا ہے، ایسی صورتحال میں اگر میرے سوشل میڈیا اکانٹ سے اس طرح کی کوئی غیر اخلاقی یا گستاخانہ پوسٹ یا میسج شئیر ہوتا ہے تو اس سے میرا کسی قسم کا کوئی تعلق یا واسطہ نہیں ہوگا۔انہوں نے مزید کہا کہ اگر آپ میرے سوشل میڈیا اکائونٹ سے ایسا کچھ مواد شیئر ہوتا دیکھیں تو آپ ذاتی طور پر مجھ سے رابطہ کرکے مجھ سے وضاحت طلب کر سکتے ہیں۔