مظفرآباد (نیشنل ٹائمز) شاعر احمد فرہاد کو رہا کردیا گیا۔تفصیل کے مطابق آزادکشمیر ہائی کورٹ سے ضمانت ہوجانے کے بعد شاعر احمد فرہاد کو رہا کردیا گیا۔احمد فرہاد کو تھانا کہوڑی سے رہا کیا گیا، جس کے بعد وہ اسلا م آباد کیلیے روانہ ہوگئے۔ آزاد کشمیر کی ہائیکورٹ نے احمد فرہاد کی 2 لاکھ روپے کے مچلکوں کے عوض ضمانت منظور کی۔ خیال رہے کہ 10 جون کو آزاد کشمیر کے دارالحکومت مظفرآباد کی انسداد دہشت گردی کی عدالت نے شاعر احمد فرہاد کو جوڈیشل ریمانڈ پر 24 جون تک راڑہ جیل منتقل کرنے کا حکم دیا تھا۔