اسلام آباد (نیشنل ٹائمز) پاکستان پیپلز پارٹی کی رہنما شرمیلا فاروقی نے کہا ہے کہ طے شدہ بات تھی کہ پیپلزپارٹی کی مشاورت کے بغیر بجٹ نہیں آئے گا، پارٹی سے کسی قسم کی کوئی مشاورت نہیں کی گئی،(ن)لیگ نے ہماری شرافت کو ہماری کمزوری سمجھا ، جس پر ہم نے احتجاج کیا۔ جمعہ کو نجی ٹی وی سے گفتگو کرتے ہوئے شرمیلا فاروقی نے کہا کہ فریقین کے درمیان معاہدے کی صورت میں اس پر عمل کرنا دونوں کی ذمہ داری ہے،(ن) لیگ اور پی پی پی میں بجٹ سمیت تمام معاملات پر مشاورت کا طے ہوا تھا،وفاق اور پنجاب کے بجٹ میں پی پی پی سے کسی قسم کی کوئی مشاورت نہیں کی گئی۔شرمیلا فاروقی نے کہا کہ مسلم لیگ (ن) نے بجٹ میں پی پی پی سے مشاورت نہ کر کے معاہدے کی خلاف ورزی کی،(ن)لیگ نے ہماری شرافت کو ہماری کمزوری سمجھا ، جس پر ہم نے احتجاج کیا۔ انہوں نے کہا کہ طے شدہ بات تھی کہ پی پی پی کی مشاورت کے بغیر بجٹ نہیں آئے گا۔