اسلام آباد (نیشنل ٹائمز)متحدہ قومی موومنٹ پاکستان کے رہنما ڈاکٹرفاروق ستار نے کہا ہے کہ بجٹ کو مسترد نہیں کر رہے ، یہ روایتی بجٹ ہے، مہنگائی کے باعث لوگوں کا میٹر گھومنے والا ہے،جیسے مظفر آباد میں عوامی احتجاج ہوا ویسا ہر شہر میں ہوگا ۔بجٹ پر ردعمل دیتے ہوئے ایم کیو ایم رہنما ڈاکٹر فاروق ستار کا کہنا تھا کہ بجٹ کو مسترد نہیں کر رہے مگر یہ روایتی بجٹ ہے ، امرا پر ویلتھ ٹیکس لگانا چاہتے ہیں، جاگیرداروں پر ٹیکس لگا کر بجٹ خسارہ پورا کیا جائے، عام آدمی کی ٹیکس کے باعث انتہا ہوچکی ہے۔ایم کیو ایم رہنما نے کہا کہ مہنگائی کے باعث لوگوں کا میٹر گھومنے والا ہے، جیسے مظفر آباد میں عوامی احتجاج ہوا ویسا ہر شہر میں ہوگا۔فاروق ستار نے کہا کہ شہباز شریف کا دانا دوست ہونے کے ناطے مشورہ دے رہا ہوں، ہم نے شیڈو بجٹ دیا حکومت اگر نظرثانی کر ے تو بہتر ہوگا، بینظیر انکم سپورٹ کے بجائے بینظیر انکم جنریشن پروگرام بنایا جائے۔فاروق ستار نے بجٹ سے متعلق شعر بھی سنایا بس بھئی بس زیادہ ٹیکس نہیں چیف صاحب ، آج کے بعد زیادہ برداشت نہیں چیف صاحب ۔