لاہور(نیشنل ٹائمز)پنجاب اسمبلی میں اپوزیشن لیڈر ملک احمد خان بھچر نے کہا ہے کہ پنجاب حکومت کی 100 دن کی کارکردگی جھوٹ پر مبنی ہے۔اپوزیشن لیڈر پنجاب اسمبلی ملک احمد خان بھچر نے ایک بیان میں کہا کہ بانی پی ٹی آئی اپنے لیے کچھ نہیں مانگتے ہیں،اگرکولرلگاہے تووہ ہرجیل میں لگاہوا ہے، ٹک ٹاک وزیر اعلی کو شرم آنی چاہیے، وہ بانی پی ٹی آئی کو جیل میں کیاسہولتیں دے رہی ہیں۔انہوں نے کہا کہ عدالتوں سے جیسے فیصلے آرہے ہیں،بانی پی ٹی آئی جلد رہا ہوجائیں گے بانی پی ٹی آئی اوران کی اہلیہ کوٹارچرکیاجارہاہے اورعدت کیس کودانستہ طور پر طویل کیاجارہاہے۔ ملک احمد خان بھچرنے پنجاب حکومت پر تنقید کے نشتر چلاتے ہوئے کہا کہ ہم نے جوالیکشن لڑے وہ احتجاج کیساتھ لڑے ہیں اس لیے ہم اسمبلی میں احتجاجا نہیں بیٹھیں گے۔