اسلا م آباد (نیشنل ٹائمز) اسلام آباد پولیس نے کار سرکار میں مداخلت کے الزام پر سابق وزیراعظم آزاد کشمیر سردار تنویر الیاس اور 2 بیٹوں سمیت8افراد کو گرفتار کرلیا۔نجی ٹی وی کے مطابق شہری شیراز خان نے سردارتنویرالیاس کے بیٹوں کے خلاف تشدد کرنے پر مقدمہ درج کرایا، پولیس ملزمان کی گرفتاری کیلئے پہنچی تو سردارتنویرالیاس نے مزاحمت کی۔اسلام آباد پولیس نے مزاحمت اور کارِسرکار میں مداخلت پر سردارتنویرالیاس کو انکے دو بیٹوں سمیت 8 افراد کو گرفتار کرلیا، گرفتار کئے گئے دیگر افراد میں ایک سردار تنویر الیاس کا بھتیجا عفیف صغیر جبکہ 4 ڈرائیور شامل ہیں۔پولیس نے سردارتنویرالیاس کے بیٹوں کے خلاف تھانہ مارگلہ میں مقدمہ درج کیا جبکہ پانچ گاڑیاں بھی قبضے میں لے لیں۔