اسلام آ باد(نیشنل ٹائمز)وفاقی حکومت نے رینجرز اور فرنٹیئر کور( ایف سی) کی تنخواہیں پاک فوج کے برابر کرنے کا فیصلہ کرلیا۔وزیراعظم شہباز شریف نے سول آرمڈ فورسزکی تنخواہوں میں اضافے کی اجازت دے دی۔ذرائع کے مطابق وزارت خزانہ نے سول آرمڈ فورسز کے لیے نظرثانی بنیادی پے اسکیل 2024کی منظوری دے دی جس کے تحت سول آرمڈ فورسز کی تنخواہوں میں زیادہ سے زیادہ اضافہ55.76 یا31 ہزار 810 روپے تک بنے گا۔ حکومتی ذ رائع کے مطا بق وفاقی حکومت نے ایک اہم فیصلے کے تحت سول آرمڈ فورسز کی تنخواہیں پاک فوج کے برابر کرنے کی تیاریاں مکمل کرلی ہیں۔ذرائع کا کہنا ہے کہ رینک کے حساب سے تنخواہوں میں اضافہ مختلف اور اوسط اضافہ کم بنے گا۔
رینجرز اور ایف سی کی تنخواہیں پاک فوج کے برابر کرنے کا فیصلہ، وزارت خزانہ نے منظوری دید ی
