تل ابیب (نیشنل ٹائمز) اسرائیلی محکمہ انصاف کے حکام نے کہا ہے کہ اسرائیل غزہ جنگ کے دوران قید کردہ فلسطینیوں کے لیے فوج کے زیرِ انتظام حراستی کیمپ کا استعمال ختم کر رہا ہے جس کے بارے میں انسانی حقوق کے گروپوں نے الزام لگایا ہے کہ وہاں قیدیوں کے ساتھ بدسلوکی کی گئی ہے۔ریاستی وکلا نے سپریم کورٹ کو بتایا کہ حماس کے سات اکتوبر کے حملے کے بعد کھولے گئے سدے تیمن قید خانے میں موجود قیدیوں کو مستقل قیام کی سہولیات میں بتدریج منتقل کیا جائے گا۔انہوں نے کہا کہ منتقلی شروع ہو گئی ہے اور زیادہ تر قیدیوں کو ایک دو ہفتوں میں منتقل کر دیا جائے گا۔ اس سے حالات میں بہتری آئے گی،اسرائیل میں شہری حقوق کے ادارے کی دائر کردہ درخواست کا جواب دیتے ہوئے ، اسرائیل کے اٹارنی جنرل اینر ہیلمین نے عدالت کو بتایا کہ 700قیدیوں کو پہلے ہی مغربی کنارے میں ایک فوجی ذخیرے عوفر میں منتقل کر دیا گیا تھا۔مزید 500کو آئندہ ہفتوں میں منتقل کرنا ہے جس کے بعد سدے تیمان میں 200قیدی رہ جائیں گے جن کے مستقبل کا فیصلہ ہونا باقی ہے، واضح رہے کہ اسرائیلی فوج غزہ جنگ کے دوران حراست میں لیے گئے اور سدے تیمان قید خانے کے فلسطینیوں کی ہلاکت کی تحقیقات کر رہی ہے۔