راولپنڈی (نیشنل ٹائمز) پنجاب بھر کے اساتذہ نے 10جون کو بجٹ اجلاس کے موقع پر پارلیمنٹ ہائوس کے سامنے دھرنے کا اعلان کر دیا ۔منگل کو پنجاب بھر کے اساتذہ کی نمائندہ پنجاب ٹیچرز یونین نے اپنے جائز حقوق کے لئے پارلیمنٹ ہاؤس کے سامنے دھرنے میں بھرپور شرکت کا اعلان کر تے ہوئے واضح کیا ہے کہ اس دھرنے کا ایک خاص ایجنڈا موجودہ وزیر اعلیٰ پنجاب کو ان کے وعدوں کی یاددہانی کرانا ہے ان خیالات کا اظہار پنجاب ٹیچرز یونین کے جنرل سیکریٹری راجہ شاہد علی مبارک نے یون کے نمائندہ اجلاس میں کیا انہوں نے کہا کہ حکومت ہوش کے ناخن لے ہمیں بار بار احتجاج پر مجبور نہ کرے پتہ نہیں کون سا مسئلہ ہے یہ لوگ خود وعدہ کر کے وفا نہیں کرتے جب پورا پنجاب سڑکوں پر نکل آیا تھا تو موجودہ وزیراعلیٰ نے ہمارے نمائندوں سے یہ وعدہ کیا تھا کہ کسی صورت سکولوں کی نجکاری نہیں ہو گی اور لیو انکیشمنٹ کا ظالمانہ نوٹیفکیشن واپس لیا جائے گا جبکہ اب اقتدار میں آ کر اپنے وعدے بھول گئے ہیں انہوں نے کہا کہ ہمارے جائز مطالبات ہیں آئین کے مطابق ہر شہری کو تعلیم کی مفت سہولت دینا حکومت وقت کی ذمہ داری ہے۔