اسلام آباد (نیشنل ٹائمز)سینئیرسیاسی رہنما مصطفی نواز کھوکھر نے کہا ہے کہ اسلام آباد سے منتخب تینوں ایم این ایز نے دوڑ لگا دی۔ اسلام آباد سے مسلم لیگ ن کے اراکین قومی اسمبلی کے الیکشن ٹریبونل پر عدم اعتماد پر ردعمل دیتے ہوئے اپنے بیان میں مصطفی نوازکھوکھر نے کہا ٹریبیونل کے سامنے اپنے فارم 45 پیش کرنے کی بجائے الیکشن کمیشن پہنچ گئے، جہاں کہتے ہیں ٹریبیونل پر اعتماد نہیں اور کیس ٹرانسفر کیے جائیں، ایک جھوٹ کو چھپانے کے لیے آپ اپنے اِرد گِرد ایسا جال بن رہے ہیں جس سے نکل نہیں پائیں گے۔ واضح رہے کہ پاکستان مسلم لیگ ن کے اراکین قومی اسمبلی طارق فضل چوہدری، انجم عقیل اور خرم نواز نے الیکشن ٹریبونل پر عدم اعتماد کا اظہارکیا ہے، اس حوالے سے تینوں ایم این ایز نے الیکشن کمیشن میں درخواست جمع کروادی ہے ۔