اسلام آباد (نیشنل ٹائمز)پاکستان تحریک انصاف کے رہنما زین قریشی نے نیا پنڈورا بکس کھول دیا ، انکا کہنا ہے بانی پی ٹی آئی کے سوشل میڈیا اکائونٹ سے جو کچھ اپ لوڈ ہوتا ہے ان کی مرضی سے ہوتا ہے۔نجی ٹی وی پروگرام میں گفتگو کرتے ہوئے زین قریشی نے کہا کہ ایسی کوئی بات نہیں ہے کہ عمران خان کے اکائو نٹ کو باہر سے کوئی اپ ڈیٹ کررہا ہے یا کچھ اور ہو رہا ہے، عمران خان پابند سلاسل ہیں وہ اپنا اکائو نٹ خود تو نہیں کرسکتے تو پارٹی کو کرنا پڑتا ہے اور پارٹی ہی عمران خان کی ٹوئٹس کرتی ہے، ان کی اپروول سے کرتی ہے، ان کی مرضی شامل ہوتی ہے، اس میں ایسی کوئی دو رائے نہیں ہے، اب اس کو جتنا کھینچ لیں بال کی کھال اتار لیں وہ ان کی مرضی ہے۔ ایک سوال پر کہ کیا آ پ یہ کہہ رہے ہیں کہ ٹوئٹر پر جو آتا ہے وہ بانی پی پی ٹی آئی کی ہدایات پر آتا ہے اور پارٹی پالیسی ہوتی ہے؟ اس پر زین قریشی نے جواب دیا کہ بالکل ایسا ہی ہے۔