اسلام آباد (پی این آئی)استحکام پاکستان پارٹی کے رہنما و سابق صوبائی وزیر فیاض الحسن چوہان نے دعوی کیا ہے کہ پی ٹی آئی کے سوشل میڈیا ہیڈ امریکی سی آئی اے کے اہلکار جبران ریاض ہیں جبکہ ڈپٹی ہیڈ عمران ہے ،پی ٹی آئی ہاں کرے یا نہ یہ پھنسیں گے۔ ایک نجی ٹی وی سے گفتگو کرتے ہوئے فیاض الحسن چوہان نے کہا کہ پی ٹی آئی کے سوشل میڈیا ہیڈ امریکی سی آئی اے کے اہلکار جبران ریاض ہیں،سوشل میڈیا کا ڈپٹی ہیڈ عمران ہے، دونوں سی آئی اے میں ملازم ہیں،دونو ں مذہبی مشکوک گروہ سے بھی تعلق رکھتے ہیں،دونوں بانی پی ٹی آئی کی مرضی سے سوشل میڈیا پر چیزیں چلا رہے ہیں۔ انہوں نے کہا کہ 9مئی کی طرح 27مئی بھی دردناک ہے،پی ٹی آئی ہاں کرے یا نہ یہ پھنسیں گے،بانی پی ٹی آئی ٹوئٹ معاملے میں پھنس گئے ہیں،سوشل میڈیا پر بلندیوں پر پہنچانے والا جبران ریاض تباہی کا باعث بن گیا۔