اسلام آباد (نیشنل ٹائمز)وفاقی وزیر پٹرولیم مصدق ملک نے کہاہے کہ ہم کہتے ہیںپاکستان ہے توہم سب ہیں وہ کہتے ہیں بانی پی ٹی آئی نہیں تو پاکستان نہیں،انہوں نے سوشل میڈیا پر مکتی باہنی کے حوالے سے مہم چلائی ہے،یہ ہنری کسنجر کے حوالے سے سوشل میڈیا پر مہم چلا رہے ہیں، بانی پی ٹی آئی اپنا گڑھا خود کھود رہے ہیں، اس سے ہمارا کوئی تعلق نہیں،ہم کہتے ہیں بے گناہوں کے ساتھ کچھ ہو رہا ہے تو ٹھیک نہیں ہے،جن ججز نے خود ججز کے حوالے سے کالی بھیڑیں کہا تو کیا انہیں عہدہ چھوڑ دینی چاہیے۔نجی ٹی وی کو انٹرویو میں وفاقی وزیر پٹرولیم مصدق ملک نے کہا کہ ہم کہتے ہیںپاکستان ہے توہم سب ہیں وہ کہتے ہیں بانی پی ٹی آئی نہیں تو پاکستان نہیں،انہوں نے سوشل میڈیا پر مکتی باہنی کے حوالے سے مہم چلائی ہے،یہ ہنری کسنجر کے حوالے سے سوشل میڈیا پر مہم چلا رہے ہیں، بانی پی ٹی آئی اپنا گڑھا خود کھود رہے ہیں، اس سے ہمارا کوئی تعلق نہیں،ہم کہتے ہیں بے گناہوں کے ساتھ کچھ ہو رہا ہے تو ٹھیک نہیں ہے،جن ججز نے خود ججز کے حوالے سے کالی بھیڑیں کہا تو کیا انہیں عہدہ چھوڑ دینی چاہیے،عدلیہ میں بہت تنائو ہے اس تنائو کو ختم کرنا ہو گا ورنہ ہم آگے نہیں بڑھ سکیں گے،اس وقت پولرائزیشن کا محور بانی پی ٹی آئی ہیں،جب بانی پی ٹی آئی وزیراعظم تھے تو بلاول بھٹو نے کہا تھا قدم بڑھائو ہم تمہارے ساتھ ہیں،ہم چاہتے ہیں ملک کو آگے بڑھنا چاہیے، شہباز شریف نے کہا تھا ملک کو آگے بڑھائو ہم آپ کے ساتھ کھڑے ہیںجب ایک شخص کہتا ہے میں آپ سے بات نہیں کرنا چاہتا تو کیا ہم دیوار سے بات کریں گے ۔ انہوں نے کہا کہ آبادی میں تیزی سے اضافہ ہمارا سب سے بڑا مسئلہ بنتا جا رہا ہے،تیزی سے بڑھتی آبادی پر کنٹرول نہ کیا تو مسائل بڑھ جائیں گے۔