پشاور (نیشنل ٹائمز) اپوزیشن لیڈر خیبر پختونخوا اسمبلی عباداللہ خا ن نے کہا ہے صوبائی حکومت کا بجٹ خیالی پلا کے علاوہ کچھ نہیں۔انہوں نے بیان میں کہا کہ موجودہ بجٹ کا 84 فیصد حصہ وفاق سے ملنا ہے،حکومت کو پتہ بھی نہیں کس مد میں کتنا حصہ وفاق سے ملنا ہے،بیرون ملک یا وفاق سے پیسے ملنے ہیں یا نہیں یہ پتہ نہیں۔اللہ کرے بجٹ میں جو محاصل لکھے گئے ہیں وہ ملیں،موجودہ بجٹ صرف مفروضات پر مشتمل ہے،تاریخ میں پہلی بار صوبے نے روایات توڑتے ہوئے وفاق سے پہلے بجٹ پیش کیا۔انہوں نے مزید کہا موجودہ بجٹ پولیٹکل اسٹنٹ کے سوا کچھ نہیں ،یہ جاننا ضروری ہے اتنی جلدی بجٹ پیش کرنے کے پیچھے کیا محرکات ہیں،صوبے کے اپنے محاصل 93 ارب، وفاق کے محاصل 1200 ارب سے زائد ہیں۔