اسلام آباد (نیشنل ٹائمز) وزیراعظم شہباز شریف نے عالمی عدالت انصاف کے اسرائیل کے حوالے سے فیصلے کا خیر مقدم کرتے ہوئے کہا ہے کہ سلامتی کونسل، عالمی برادری عالمی عدالت کے فیصلے پر فوری عمل کرائے،یو این تحقیقاتی کمیشن کو غزہ اور رفح میں فوری رسائی دی جائے،عالمی عدالت کے فیصلے پر عملدرآمد سے دنیا میں امن کی راہ ہموار ہو گی ۔جمعہ کو وزیراعظم ہائوس سے جاری بیان میں وزیراعظم شہباز شریف نے کہا ہے کہ عالمی عدالت انصاف کے فیصلے کا خیر مقدم کرتے ہیں،سلامتی کونسل، عالمی برادری عالمی عدالت کے فیصلے پر فوری عمل کرائے،عالمی عدالت کے فیصلے پر عملدرآمد سے دنیا میں امن کی راہ ہموار ہو گی،مظلوم انسانیت کے حق میں فیصلہ دینے پر خراج تحسین پیش کرتے ہیں،13ججز اور پٹیشن دائر کرنے پر جنوبی افریقہ کو خراج تحسین پیش کرتے ہیں،پاکستان نے جنوبی افریقہ کی پٹیشن کی حمایت کی تھی،آئندہ بھی تمام فلسطینیوں کا کیس لڑتے رہیں گے،یو این تحقیقاتی کمیشن کو غزہ اور رفح میں فوری رسائی دی جائے،فیصلہ مظلوم انسانوں کی فتح ہے، فیصلے پر عملدرآمد کرایا جائے،عالمی برادری رفح میں اسرائیلی آپریشن روکنے کے فیصلے پر فوری عمل کرائے۔