اسلام آباد( نیشنل ٹائمز) ایم کیو ایم کی سینیٹر خالدہ عتیق نے کہا ہے کہ تحریک انصاف کے مرکزی دفتر پر حملہ نہیں ہونا چاہیے ۔سی ڈی اے حکام بتائیں کہ یہ اپریشن قانونی ہے یا غیر قانونی۔وہ پارلیمنٹ ہاوس کے بعد صحافیوں سے گفتگو کر رہی تھی۔انہوں نے کہا کہ آج اگر یہ تحریک انصاف کے ساتھ ہو رہا ہے تو کل ہمارے ساتھ بھی ہوگا۔انہوں نے کہا کہ سی ڈی اے حکام کو اس سلسلے میں وضاحت دینی چاہیے۔انہوں نے کہا کہ ماضی میں ایم کیو ایم کے ساتھ بھی ایسا ہوتا رہا ہے۔انہوں نے کہا کہ پاکستان کو معاشی طور پر مستحکم کرنا ہے تو پھر سیاسی نظام کو بھی بہتر کرنا ہوگا۔انتقامی کاروائیاں ختم کرنی ہوگی۔پاکستان کو مستحکم بنانے کے لیے سیاسی جماعتوں کے ساتھ مذاکرات کرنے چاہیے۔انہوں نے کہا کہ یہ ملک امریکہ کی ڈکٹیشن پر نہیں بلکہ سیاسی نظام کی بنیاد پر اگے بڑھنا چاہیے۔اسٹیبلشمنٹ تمام جماعتوں کو ساتھ لے کر چلے۔