کراچی (نیشنل ٹائمز ) کراچی کی ایک مقامی عدالت نے تحریک انصاف سندھ کے صدر حلیم عادل شیخ کے خلاف ہنگامہ آرائی کے مقدمے میں بریت کی درخواست منظور کر لی۔سٹی کورٹ میں جوڈیشل مجسٹریٹ جنوبی کی عدالت نے ہنگامہ آرائی کے مقدمے میں بریت کی درخواست پر فیصلہ سناتے ہوئے حلیم عادل شیخ کو بری کر دیا۔ وکیل صفائی کے مطابق حلیم عادل شیخ پشاور ہائیکورٹ سے حفاظتی ضمانت لے کر سندھ ہائیکورٹ پیش ہوئے تھے۔ سندھ ہائیکورٹ سے باہر نکلے تو پولیس نے گرفتار کر لیا، جس کی وڈیو موجود ہے ۔ حلیم شیخ کو پہلے فیروز آباد کے مقدمے میں گرفتار کیا پھر پریڈی تھانے میں ہنگامہ آرائی کا مقدمہ درج کیا گیا۔ درخواست میں مزید کہا گیا کہ پولیس نے پشاور ہائیکورٹ کے حکم کی خلاف ورزی کرتے ہوئے حلیم عادل کو گرفتار کیا۔ پولیس حکام کے خلاف توہین عدالت کا کیس پشاور ہائیکورٹ میں چل رہا ہے۔ ان کیخلاف مقدمہ پریڈی تھانے میں درج تھا۔