اسلام آباد (نیشنل ٹائمز)ترجمان پی ٹی آئی رئوف حسن نے کہا ہے کہ بانی پی ٹی آئی نے 3پارٹیز کے علاوہ باقی تمام جماعتوں سے بات کرنے کا کہا ہے،ہماری بہت ساری پٹیشنز اسلام آباد ہائی کورٹ میں ہیں لیکن نہیں سنی جا رہیں،بانی پی ٹی آئی کی تصویر کی انویسٹی گیشن بتاتی ہے کچھ دبائو تو ہے، ہم کسی فرد یا ادارے کو ٹارگٹ نہیں کرتے ۔پیر کو ایک نجی ٹی وی سے گفتگو کرتے ہوئے رئوف حسن نے کہا کہ ہم ہر پارٹی سے رابطے میں ہیں،(ن) لیگ اور پیپلز پارٹی سے کوئی رابطہ نہیں،76 سال سے جو لوگ ملک چلا رہے ہیں اس سے ملک تباہ ہوا ہے،ہماری بہت ساری پٹیشنز اسلام آباد ہائی کورٹ میں ہیں لیکن نہیں سنی جا رہیں،عمران خان نے 3پارٹیز کے علاوہ باقی ساری جماعتوں سے بات کرنے کا کہا ہے،ہم سیاسی جماعتوں سے بات کر رہے ہیں ۔بانی پی ٹی آئی کی تصویر لیک ہونے پر تحقیقات کرانا عدلیہ پر دبائو ظاہر کرتا ہے،ہم کسی فرد یا ادارے کو ٹارگٹ نہیں کرتے ۔ انہوں نے کہا کہ چیف جسٹس آف پاکستان نے بانی پی ٹی آئی کو بولنے ہی نہیں دیا،جس کے پاس پاور ہو گی اس کو ذمہ داری نبھائی ہو گی۔انہوں نے کہا کہ علی امین گنڈاپور پی ٹی آئی کے بہت اچھے ورکر ہیں۔