شمالی وزیرستان(نیشنل ٹائمز)وفاقی وزارت تعلیم کی جانب سے بمباری سے تباہ ہونے والے لڑکیوں کے سکول میں تعلیمی سرگرمیاں بحال کردئی گئی ۔عافیہ گرلز سکول میں بچیاں مسکراتے چہروں کے ساتھ آج سکول پہنچیں شمالی وزیر ستان میں دہشتگردوں کی جانب سے بم سے اڑانے جانے والے گرلز سکول کی تعمیر نو مکمل کرلی گئی آج سکول میں باضابطہ طور پر تعلیمی سرگرمیاں بحال ہوگئی ہیں ۔وفاقی وزارت تعلیم کی جانب سے سکول کو آج دوبارہ کھول دیاگیا ہے سکول کو دوبارہ کھولنے سے شمالی وزیرستان کی بچیاں مفت تعلیم حاصل کررہی ہیں۔ سکول میں 4 کمروں کی چھت مکمل کرلی گئی ہے ۔آج سکول پہنچنے پر بچیوں کے چہرے خوشی سے چمک رہے تھے ۔سکول میں آج دوبارہ بچیوں کی مارننگ اسمبلی بھی ہوئی ۔سیکرٹری ایجوکیشن محی الدین وانی نے کہا ہے کہ سکول کی تعمیر نو میں وفاقی وزارت تعلیم کے ڈپٹی سیکرٹری ریاض خان کی خصوصی کاوش شامل ہے جس سے یہ تباہ شدہ سکول دوبارہ تعلیمی سرگرمیوں کے لئے آج کھول دیاگیاہے ۔پولیس ذرائع نے بتایا کہ بدھ کی شب شمالی وزیرستان کے ضلع شیوا کی تحصیل شیوا میں نامعلوم عسکریت پسندوں نے لڑکیوں کے ایک نجی اسکول کو دھماکے سے اڑا دیا تھا۔عسکریت پسندوں نے پہلے اسکول کے چوکیدار کو تشدد کا نشانہ بنایا اور بعد میں اسکول کے دو کمروں کو دھماکے سے اڑا یا۔ تاہم دھماکے میں کوئی جانی نقصان نہیں ہوا۔