اسلام آباد (نیشنل ٹائمز) پاکستان تحریک انصاف کے رہنما شیخ وقاص اکرم نے کہا کہ ماضی میں آپ کے ساتھ زیادتی ہوئی تو آج زیادتی کیوں کر رہے ہیں،نواز شریف آدھا سچ نہ بولیں پورا کہیں اور بتائیں کیوں بینیفشری ہیں، بات کھولنی ہے تو پھر سب بتائیں اور پی ڈی ایم کا بھی ذکر کریں، سہولت کاری ہوئی ہے تو نواز شریف کا جو کردار تھا وہ بھی بتانا چاہیے،کسی کے ساتھ زیادتی ہو رہی ہے تو بالکل ایسا نہیں ہونا چاہیے۔ ایک انٹرویو میں انہوں نے کہا کہ آج ہمارے ساتھ بھی زیادتی ہو رہی ہے ہمیں بخوبی اندازہ ہے، پاکستان تحریک انصاف مذاکرات کی حامی ہے، جن لوگوں نے ہمارے لئے قربانی دی انہیں تنہا کیسے چھوڑیں، ہم چاہتے ہیں ہمارا مینڈیٹ واپس کیا جائے پھر مذاکرات کئے جائیں۔