اسلام آباد (نیشنل ٹائمز) پاکستان پیپلز پارٹی کے رہنما نیئر بخاری نے کہا ہے کہ ملک میں اداروں کے حوالے سے صورتحال کوئی اچھی نہیں ، اگر صدر مملکت کو صورتحال کو کنٹرول کرنے کا کہا جاتا ہے تو وہ کریں گے، صدر مملکت اپنا کردار تب ہی ادا کریں گے جب وزیراعظم کی طرف سے ان کو ایڈوائس جائے گی۔ہفتہ کو نجی ٹی وی سے گفتگو کرتے ہوئے انہوں نے کہا حکومت کو بچوں کو کرغزستان سے فوری واپس لانا چاہیے ، اگر کرغزستان کی حکومت صورتحال کو سنبھال نہیں سکتی تو ہمیں اپنے بچوں کو واپس لانا ہوگا۔انہوں نے کہا وزیراعظم ہوں یا چیف جسٹس، سب کو اپنے منصب کا خیال رکھتے ہوئے بات کرنی چاہیے۔انہوں نے کہا کہ اگر نواز شریف یکجہتی لا سکتے ہیں تو وزیراعظم شہباز شریف ان کو ریکویسٹ کریں ہمیں خوشی ہے، جن فورسز کا تنازعہ ہے اگر وہ کسی کو منصف ماننے کو تیار ہی نہیں تو ہمیں کیا ضرورت پڑی ہے بات کرنے کی،اگر عدلیہ ایگزیکٹو اتھارٹی استعمال کرنا شروع کر دے تو معاملات خراب ہو جاتے ہیں۔
ملک میں اداروں کے حوالے سے صورتحال کوئی اچھی نہیں، صدر کو صورتحال کو کنٹرول کرنے کا کہا جاتا ہے تو وہ کریں گے،نئیربخاری
