اسلام آباد (نیشنل ٹائمز) سنی اتحاد کونسل کے رہنما شیخ وقاص اکرم نے کہا کہ عدلیہ کو دھمکیاں دینے والوں کو نا اہل کرنا چاہیے، سپریم کورٹ کو ججز کیخلاف پریس کانفرنسز کا از خود نوٹس لینا چاہیے، یہ کیا طریقہ ہے کہ پریس کانفرنس کر کے دھمکیاں دی جاتی ہیں۔ نجی ٹی وی سے گفتگو کرتے ہوئے انہوںنے کہا کہ بانی پی ٹی آئی نے کیا کرنا تھا جو براہ راست کاروائی نہیں دکھائی گئی،وزراء اور حکومت سے ووٹ لے کر سینیٹر بننے والوں نے عدلیہ پر حملے شروع کر دیئے،ایسے لوگوں کا کیسز سے کوئی لینا دینا نہیں اور عدلیہ کو ٹارگٹ کرلیا،ججز خط کے بعد واضح ہو گیا کہ عدلیہ دبائو برداشت کرنے کو تیار نہیں،اسلام آباد ہائی کورٹ کے علاوہ دیگر ججز نے بھی دبائو سے متعلق خط لکھے،دھمکیاں دے کر عدلیہ کو دبانے کی کوشش کی جائے گی تو یہ بھونڈی کوشش ہے،عدلیہ کو ایسے پریس کانفرنسز کر کے دھمکیاں دینے والوں کو مثال بنا دینا چاہیے،کسی جج کو دھمکیاں دی جا رہی ہیں تو ادارے کے سربراہ کو ایکشن لینا چاہیے،ججز ایکشن لیتے ہیں یا لے رہے ہیں بالکل لینا چاہیے اور مثال بنانا چاہیے،عدلیہ کو دھمکیاں دینے والوں کو نا اہل کرنا چاہیے،سپریم کورٹ کو اس قسم کی پریس کانفرنسز کا از خود نوٹس لینا چاہیے۔