کراچی (نیشنل ٹائمز) اسٹیٹ بینک آف پاکستان کو عالمی مالیاتی فنڈ (آئی ایم ایف )کی جانب سے اسٹینڈ بائی ارینجمنٹ (ایس بی اے)کے تحت ایک ارب 10 کروڑ ڈالر کی آخری قسط موصول ہوگئی۔ترجمان اسٹیٹ بینک آف پاکستان نے آئی ایم ایف سے رقم موصول ہونے تصدیق کردی۔ اسٹیٹ بینک آف پاکستان کے مطابق آئی ایم ایف کے ایگزیکٹو بورڈ نے اسٹینڈ بائی ارینجمنٹ کے تحت دوسرا جائزہ مکمل کرلیا اور پاکستان کے لیے 828 ملین ایس ڈی آر کی رقم منظور کرلی۔اسٹیٹ بینک کو آئی ایم ایف سے اپنے اکانٹ میں 828 ملین ایس ڈی آریا تقریبا 1.1 ارب ڈالرموصول ہوگئے۔ آئی ایم ایف سے موصول ہونے والے فنڈز 3 مئی 2024 کو ختم ہونے والے ہفتے کے دوران اسٹیٹ بینک کے زر مبادلہ ذخائر میں یہ رقم ظاہر ہوگی۔