نئی دہلی (نیشنل ٹائمز)مودی کی بھارتیہ جنتا پارٹی کرپشن صاف کرنے والی “ واشنگ مشین” پارٹی بن گئی۔انتخابات کے قریب آتے ہی مودی سرکار کی منفی اور زہریلی انتخابی مہم زور پکڑنے لگی،بھارتیہ جنتا پارٹی کے رہنماؤں نے سیاسی مخالفین کو جھوٹے کرپشن کیسز میں پھنسا کر انہیں بلیک میل کرنا شروع کردیا۔مہارشٹرا کے یونین منسٹر راؤ صاحب دانوے نے کہا ہے کہ;”جو بھی بی جے پی میں آتا ہے وہ پارٹی کی واشنگ مشین کے ذریعے پاک اور کرپشن سے صاف ہو جاتا ہے“

بی جے پی میں شامل ہونے والے سیاستدانوں پر چلنے والے کرپشن کیسز بھی ختم کر دیے جاتے ہیں،مہاراشٹرا میں بی جے پی کے ساتھ اتحاد کرنے والے کئی کارکنان کو سنگین مقدمات سے چٹ مل گئی،۔مصنف سنجے جاہ نےکہا بی جے پی اقتدارمیں رہنے کیلئے کسی بھی حدکو پار کرسکتی ہے، ٹائمزناؤ کےمطابق واشنگ مشین کی بیانیے پر کانگرس اور دیگر سیاسی جماعتوں نےمودی سرکار کو آڑے ہاتھوں لیا،۔

بی جے پی میں شامل ہونے والے سی بی آئی اور انکم ٹیکس دیپارٹمنٹ کی جانب سے بدعنوانی کے سنگین الزامات میں مطلوب تھے2014 سے لے کر اب تک تقریباً 25 اپوزیشن لیڈران کو کرپشن کا سامنا کرنے پر بی جے پی میں شامل ہونے کے بعد مقدمات سے بری کر دیا گیا۔جمہوریت کا راگ الاپنے والی مودی سرکار کا انتخابات کے قریب آتے ہی بھیانک چہرہ دنیا پر عیاں ہو گیا۔