غزہ(نیشنل ٹائمز)غزہ ٹویٹ پر نیتن یاہو کے دفتر سے معطل کیے گئے ترجمان نے باضابطہ طور پر استعفیٰ دے دیا۔

ٹائمز آف اسرائیل کے مطابق اسرائیلی وزیراعظم کے دفتر میں انگریزی زبان کے ترجمان ایلون لیوی کو تین ہفتے قبل معطل کر دیا گیا تھا اور اب وہ باضابطہ طور پر اس عہدے سے سبکدوش ہو گئے ہیں۔

لیوی کو برطانوی دفتر خارجہ کی طرف سے ایکس پر ایک پوسٹ کے بارے میں شکایت کے بعد معطل کر دیا گیا تھا جس میں ترجمان نے غزہ کی امداد سے متعلق سیکرٹری خارجہ ڈیوڈ کیمرون کے ریمارکس کا جواب دیا تھا۔

کیمرون نے X پر پوسٹ کیا تھا کہ اسرائیل کو غزہ میں مزید امداد دینے کی ضرورت ہے جس کا لیوی نے طنزیہ انداز میں جواب دیا تھا۔