اسلام آباد (زبیر قصوری/خصوصی رپورٹ) پاکستان میں موبائل فون بنانے والی ایک نجی کمپنی نے پہلی دفعہ فور جی ٹیکنالوجی کے ساتھ فیچرز فون متعارف کرانے کا اعلان کیا ہے۔

کمپنی کے مطابق فور جی انٹرنیٹ ہائی سپیڈ کے ساتھ فیچر فون پاکستان میں دو نئے ماڈل آئندہ ہفتے متعارف کرائے جا رہے ہیں اور اس اقدام سے پاکستان کے کم آمدنی والے افراد اور طالب علموں کو خصوصی طور پر فائدہ ہوگا۔ کمپنی کے نمائندے نے بتایا ہے کہ ابتدائی طور پر دو نئے ماڈلز کی قیمت 8 ہزارروپے سےکم رکھی گئی ہے اور اس سے پاکستان میں ڈیجیٹل پاکستان کے ویژن کو فروخ ملے گا۔

کمپنی نمائندے کے مطابق موبائل فون میں انٹرنیٹ کے علاوہ تمام سوشل میڈیا ایپس بھی کام کریں گی اور انٹرنیٹ والا فون تمام پاکستان کی پہنچ میں آ جائے گا۔کمپنی کے چیئرمین حاجی عبدالرحمن نے مزید بتایا ہے کہ آئندہ چند روز میں مزید اس طرح کے ماڈل مارکٹ میں دیے جائیں گے اور ان کی قیمت 8 ہزار روپے سے کم رکھی جا رہی ہے۔