اسلام آباد(نیشنل ٹائمز) وینا ملک حال ہی میں ایک پوڈکاسٹ میں شریک ہوئیں جس دوران انھوں نے ذاتی زندگی اور کیرئیر سمیت کئی موضوعات پر گفتگو کی۔کیرئیر کے آغاز کا ذکر کرتے ہوئے وینا نے بتایا کہ ’جس وقت میں نے اپنا کیرئیر شروع کیا وہ وقت میرے لیے رولر کوسٹر کی سواری جیسا تھا، میرے کیرئیر کے آغاز کے 10 سال بڑے مصروف گزرے، میں اتنی مصروف تھی کہ میرے پاس میک اپ اتارنے کا وقت بھی نہیں تھا، میری بڑی بہن میرا میک اپ اتارتی تھی اور مجھے اپنے ہاتھ سے کھانا کھلاتی تھی‘۔ ایک سوال کے جواب میں وینا ملک نے بتایا کہ مجھے کیرئیر کے عروج پر اور بھارت میں رئیلٹی شو کے دوران دنیا بھر سے شادی کی پیشکش موصول ہوئیں لیکن مجھے نہیں پتا تھا کہ یہ پیشکش کہاں سے آئیں اور کن لوگوں نے کیں، کیونکہ میں ان سے براہ راست رابطے میں نہیں تھی۔وینا کے مطابق بھارت میں ویڈنگ رئیلٹی شو کے دوران مجھے میری ٹیم نے بتایا کہ انھیں میرے لیے 70 ہزار سے زائد شادی کی پیشکش آئی ہیں، یہ پیشکش پاکستان اور بھارت سمیت دنیا بھر سے آئی تھیں لیکن میں یہ نہیں جانتی وہ پیشکش سچی تھیں یا ایسے ہی لوگوں نے شہرت اور شو سمجھ کر پیشکش کی تھی۔یاد رہے کہ وینا ملک پاکستان سمیت بالی وڈ میں بھی کام کرچکی ہیں، 2010 میں وینا ملک بھارت گئی تھیں اور انہوں نے کئی سال بھارت میں ہی گزارے تھے۔ اس دوران وینا نے بھارتی ریئلٹی شو ’بگ باس‘ اور ویڈنگ ریئلٹی شو میں بھی کام کیا، وینا ملک متعدد بالی وڈ فلموں میں اداکاری کے جوہر دکھاچکی ہیں تاہم 2014 میں وہ بھارت سے دبئی منتقل ہوگئی تھیں۔