اسلام آباد(نیشنل ٹائمز)سارا رضا ایک نجی ٹی وی کے مزاحیہ شو میں بطور مہمان شریک ہوئیں جہاں انہوں نے گلوکاری سمیت دیگر موضوعات پر گفتگو کی۔ایک سوال کا جواب دیتے ہوئے گلوکارہ نے کہا کہ اگر آٹو ٹیون کا آپشن نکال دیا جائے تو پھر آئمہ بیگ گلوکارہ نہیں رہیں گی۔انہوں نے کہا کہ آئمہ بیگ بالکل بھی گلوکارہ نہیں ہے، اس طرح اور بھی بہت سارے نام آتے ہیں جو آٹو ٹیون کے بغیر کچھ نہیں۔سارا رضا کا کہنا تھا کہ ایک اداکارہ اور ماڈل کے طور پر ہمیں یہ چہرا پسند ہے، اس کے ساتھ ہی انہوں نے مثال دیتے ہوئے کہا کہ اگر میں فلم بناؤں تو آئٹم سانگ کیلئے میں مہوش حیات کو ہی لوں گی لیکن میں مہوش حیات سے گانا گانے کا نہیں بولوں گی۔گلوکارہ نے مزید کہا کہ آئمہ بیگ کو اس بارے میں سوچنا چاہیے اور انہیں ٹھیک ہونے کی ضرورت ہے۔