راولپنڈی (نیشنل ٹائمز) پاکستان اور بنگلادیش کے درمیان دوسرے ٹیسٹ کے پہلے دن کا کھیل بارش کے باعث منسوخ کردیا گیا،جڑواں شہروں راولپنڈی و اسلام آباد میں جمعہ کی صبح سے دن 3 بجے تک وقفے وقفے سے بارش کا سلسلہ جاری رہا، محکمہ موسمیات کی جانب سے ٹیسٹ میچ کے پہلے روز دوپہر تک بادلوں کے برسنے کی پیشگوئی کی گئی تھی۔بارش اور گیلی آئوٹ فیلڈ کے باعث راولپنڈی ٹیسٹ میں پہلے دن کا کھیل ممکن نہیں تھا اور میچ ٹاس بھی نا ہوسکا۔،بارش کے باعث راولپنڈی کرکٹ اسٹیڈیم کی بیشتر آئوٹ فیلڈ پر پانی جمع ہے اور پچ کو مکمل ڈھانپ دیا گیا، خیال رہے کہ دو ٹیسٹ میچوں کی سیریز کے پہلے میچ میں بنگلا دیش نے پاکستان کو 10وکٹوں سے شکست دی تھی، سیریز میں بنگلا دیش کو 0-1کی برتری حاصل ہے۔