کراچی (نیشنل ٹائمز) اسٹیٹ بینک آف پاکستان نے بینکنگ کی کارکردگی کے حوالے سے اعداد و شمار جاری کر دیے ہیں اسٹیٹ بینک کے اعلامیے کے مطابق جولائی 2024 تک بینکوں کے ڈپازٹس 30603 ارب روپے رہے. اعلامیے کے مطابق جون 2024 کے مقابلے میں بینکوں کے ڈپازٹس 1.7 فیصد کم ہوئے ہیں جولائی 2024 تک بینکوں کے ایڈوانس 11872 ارب روپے رہے، جون 2024 کے مقابلے میں بینکوں کے ایڈوانسسز 4.5 فیصد کم ہوئے ہیں.
جولائی 2024 تک بینکوں کے ایڈوانسز ڈپازٹس کا تناسب 38.8 فیصد رہا جولائی 2024 تک بینکوں کی سرمایہ کاری 30431 ارب روپے رہی جبکہ جون 2024 کے مقابلے میں بینکوں کی سرمایہ کاری 0.9 فیصد بڑھی ہے جولائی 2024 تک بینکوں کی سرمایہ کاری اور ڈپازٹس کا تناسب 99.

4 فیصد رہا. قبل ازیں اسٹیٹ بینک نے بیرونی ادائیگیوں کے حوالے سے بتایا تھا کہ جولائی 2024 کا کرنٹ اکاؤنٹ خسارہ 16.20 کروڑ ڈالرز رہا ملکی درآمدات جولائی میں 4.81 ارب ڈالرز رہیں، برآمدات 2.39 ارب ڈالرز رہیں، جبکہ تجارتی خسارہ 2.42 ارب ڈالرز رہا.

جولائی میں خدمات کا خسارہ 15 کروڑ ڈالرز رہا، آمدن کا خسارہ 72 کروڑ ڈالرز رہا، تجارت، آمدن اور خدمات کا مجموعی خسارہ 3.31 ارب ڈالرز رہا، ترسیلاتِ زر 2.995 ارب ڈالرز رہیں. مرکزی بینک کے مطابق مالی سال 2024 میں بینکوں کے ڈپازٹس 20 اعشاریہ 8 فیصد بڑھے ہیں جون 2024 تک بینکوں کا ڈپازٹ اسٹاک 30 ہزار 812 ارب روپے رہامالی سال میں بینکوں نے 245 ارب روپے قرض دیا جن کے فراہم کردہ قرضوں کا اسٹاک 12 ہزار 447 ارب روپے ہے اعداد و شمار کے مطابق مالی سال 2024 میں بینکوں نے 9254 ارب روپے کی سرمایہ کاری کی ہے، سرمایہ کاری کا اسٹاک 30149 ارب روپے رہی.