لاہور (نیشنل ٹائمز) لاہور کے نواحی گاوں چٹیاں والا میں پاک فوج کی جانب سے فری آئی کیمپ کا انعقاد کیا گیا ۔آئی کیمپ دیہات کے باسیوں کے لیے آنکھوں کے معیاری علاج کی فراہمی کی غرض سے لگایاگیا،فری آئی کیمپ میں تقریبا 500 مریضوں کا معائنہ اور علاج کیا گیا۔متعدد ڈاکٹرز اور پیرا میڈیکل سٹاف صبح سے شام تک سینکڑوں مریضوں کو مفت طبی خدمات فراہم کرتے رہے،ان میں میں سی ایم ایچ لاہور کے ماہرین امراض چشم شامل تھے۔ کیمپ میں آنکھوں کا جدید آلات سے معائنہ کیا گیا،مریضوں کو مفت ادویات کے ساتھ ساتھ غذائی سپلیمنٹس بھی فراہم کیے گئے۔اس کے علاوہ مقامی افرادکو آنکھوں کے امراض اور عمومی صحت کے حوالے سے آگاہی لیکچرز دئیے گئے،دیہی علاقوں کے سینکڑوں افراد فری آئی کیمپ سے مستفید ہوئے۔ علاقے کے عوام نے پاک فوج کے عوامی بہبود کیلئے اقدامات کو بہت سراہا،عوام نے پاک فوج کی خدمات پر اظہار تشکر کیا۔