اسلام آباد(نیشنل ٹائمز) ملک کے مختلف حصوں میں مون سون بارشوں کے نئے اسپیل سے نشیبی علاقے زیرآب آگئے جبکہ راولپنڈی اور اسلام آباد میں رین ایمرجنسی نافذ کر دی گئی ہے . بلوچستان میں مون سون بارشوں سے ندی نالوں میں طغیانی آ گئی ہے جھل مگسی کے علاقے ٹیپری میں لینڈ سلائیڈنگ سے رابطہ سڑکیں متاثر ہوئی ہیں جس سے دیگر علاقوں کا آپس میں زمینی رابطہ منقطع ہو گیا۔
راولپنڈی اور اسلام آباد میں مسلسل موسلادھار بارش سے نالہ لئی میں پانی کی سطح بڑھنے لگی ہے جبکہ واسا کی جانب سے بھی الرٹ جاری کردیا گیا ہے پی ڈی ایم اے کی جانب سے الرٹ جاری کیا گیا ہے کہ نالہ لئی میں مسلسل بارش کے باعث طغیانی کی صورتحال ہے جس کے پیش نظر نالہ لئی کو خالی کروایا جائے. پنجاب کے صوبائی دارالحکومت لاہور میں بھی بادل برس رہے ہیں اور شہرکے مختلف علاقوں میں کہیں ہلکی اور کہیں تیز بارش سے موسم خوشگوار ہو گیا، گرمی کی شدت کم ہونے سے شہریوں نے سکھ کا سانس لیا ہے جبکہ کراچی میں بھی بارش کا امکان ہے۔
بلوچستان میں مون سون بارشوں سے ندی نالوں میں طغیانی آ گئی ہے جھل مگسی کے علاقے ٹیپری میں لینڈ سلائیڈنگ سے رابطہ سڑکیں متاثر ہوئی ہیں، دیگر علاقوں کا آپس میں زمینی رابطہ منقطع ہو گیا ہے سوراب کے علاقے کیدر میں موسلادھار بارش سے سیلابی صورت حال پیدا ہو گئی ہے جبکہ گندان جھل ندی میں بھی سیلابی ریلوں کی آمد کا سلسلہ جاری ہے۔