ڈھاکہ (نیشنل ٹائمز) بنگلہ دیش کے صدر نے سابق وزیراعظم خالدہ ضیا کو جیل سے رہا کرنے کا حکم دے دیا۔غیرملکی خبررساں ادارے کے مطابق بنگلادیش کے صدر محمد شہاب الدین نے خالدہ ضیا کی جیل سے رہائی کا حکم دیا، اپوزیشن جماعت بنگلہ دیش نیشنلسٹ پارٹی کی سربراہ خالدہ ضیا کی رہائی کا حکم صدارتی اجلاس میں دیا گیا۔دوسری جانب بنگلہ دیش کی فوج نے ملک میں نافذ کرفیو آج منگل کی صبح سے ختم کرنے کا اعلان کردیا۔فوج کا کہنا ہے کہ ملک میں کرفیو(آج ) منگل کی صبح ہٹا لیا جائے گا، سکول کھل جائیں گے اور کاروبار معمول پر آ جائے گا۔
بنگلہ دیش کے صدر کا خالدہ ضیا کو جیل سے رہا کرنے کا حکم
