لندن (نیشنل ٹائمز) بنگلہ دیش کی صورتحال پر برطانیہ نے تشویش کا اظہار کیا ہے۔ لندن سے برطانوی وزیر اعظم کے ترجمان نے کہا کہ بنگلادیش میں حالیہ دنوں کی پرتشدد صورتحال پر گہری تشویش رہی ہے۔ برطانوی وزیراعظم کے ترجمان نے کہا کہ بنا کسی تشدد کے پرامن احتجاج کے حق کا تحفظ ہر حال میں ہونا چاہیے۔ ترجمان نے مطالبہ کیا کہ بنگلہ دیش میں گرفتار پرامن مظاہرین کو فوری رہا کیا جائے۔ انہوں نے مزید مطالبہ کیا کہ بنگلہ دیش میں جمہوریت کی بالادستی، امن اور عوام کی حفاظت کو یقینی بنایا جائے۔