کوئٹہ (نیشنل ٹائمز) گوادر بلوچ یکجہتی کمیٹی اور انتظامیہ کے درمیان ہونے والے مذاکرات کامیاب ہوگئے ۔ اسسٹنٹ کمشنر گوادر میر جواد زہری کے مطابق گوادر بی وائی سی کی جانب سے دھرنا ختم عندیہ دے دیا گیا ۔اسسٹنٹ کمشنر گوادر میر جواد زہری کے مطابق ڈپٹی کمشنر گوادر اور بلوچ یکجہتی کمیٹی (بی وائی سی) کے درمیان مذاکرات ہوئے۔ جس کے تحت بلوچ یکجہتی کمیٹی کے گرفتار کارکنوں کو رہا کیا جائیگا۔انہوں نے بتایا کہ موبائل نیٹ ورک بحال کیا جائیگا اور تمام راستوں سے رکاوٹیں ہٹا کر راستے کھولے جائیں گے۔میر جواد زہری نے بتایا کہ حق دو تحریک ، نیشنل پارٹی، بی این پی، جماعت اسلامی، بی این پی عوامی کی مقامی قیادت نے ثالثی میں اہم کردار ادا کیا۔واضح رہے کہ ڈپٹی کمشنر گوادر حمودالرحمن کی سربراہی میں وفد نے ڈی سی ہائوس میں مظاہرین سے مذاکرات کئے ۔ وزیر داخلہ بلوچستان میرضیا اللہ لانگو بھی ڈی سی ہائوس میں موجود رہے۔ ڈی سی گوادر کے ہمراہ وفد میں آل پارٹیز کے رہنما اور تاجر رہنما بھی تھے۔