اسلام آباد (نیشنل ٹائمز) پاکستان تحریک انصاف سے مذاکرات کے لئے جے یو آئی کی مذاکراتی کمیٹی کا اجلاس کنوینئیر سینیٹر کامران مرتضی کی صدارت میں منعقد ہوا۔ جمیعت علمائے اسلام( ف) گروپ کی طرف سے جاری بیان میں کہا گیا ہے کہ اجلاس میں مولانا لطف الرحمان ،اسلم غوری ،مولانا امجد خان اور مفتی فضل غفور شریک ہوئے ۔ اجلاس میں ملکی سیاسی صورتحال پر غور وخوض ہوا ہے۔جلاس میں پی ٹی آئی سے مذاکرات کے لئے طریقہ کار پر بات ہوئی ہے اجلاس میں دونوں جماعتوں کے درمیان باہمی روابط کو خوش آئند قرار دیا گیا ۔ذرائع کے مطابق کمیٹی اجلاس کی تجاویز جے یو آئی سربراہ مولانا فضل الرحمان کو انکی وطن واپسی پر پیش کرے گی ۔