اسلام آباد (نیشنل ٹائمز) سینیٹر فیصل واوڈا نے کہا کہ عوام اب پی ٹی آئی کے ساتھ دھرنوں میں نہیں آئیں گے۔ایک نجی ٹی وی سے گفتگو کرتے ہوئے فیصل واوڈا نے کہا کہ حکومت پی ٹی آئی والوں کو پکڑتی جائے گی عدالتیں چھورٹی جائیں گی، مجھے سنی اتحاد کونسل کو مخصوص نشستیں ملتی نظر نہیں آرہیں، بانی پی ٹی آئی جیل سے جلدی باہر نکلتے نظر نہیں آرہے نہ ہی اقتدار میں آتے ہوئے نظر آرہے ہیں۔انہوں نے کہا کہ پی ٹی آئی نے جو دھرنے کی باتیں کی ہیں، عوام اب ان کے ساتھ نظر نہیں آرہے، عوام اب اپنے بچوں، روزگار اور بجلی کے بلوں سے پریشان ہیں، وہ باہر نہیں نکلیں گے، نہ تو عدالتی احکامات اور نہ پی ٹی آئی یا ن لیگ کے اقدام سے کوئی فائدہ ہو رہا ہے۔ایک سوال پر کہ کیا اسٹبلشمنٹ ن لیگ کے ساتھ ہے؟ اس سوال کے جواب میں فیصل واوڈا نے کہا کہ اسٹبلشمنٹ ہر حکومت کے ساتھ ہوتی ہے، ہماری پچھلی حکومت کے ساتھ بھی تھی۔ایک اور سوال کے جواب میں انہوں نے کہا کہ 1994 سے لے کر آج تک جنہوں نے آئی پی پیز کا کانٹریکٹ سائن کیا وہ ایک کریمنل ایکٹ تھا۔ان کا کہنا تھا کہ یہ جمہوری سڑا ہوا بدبودار جنازہ ایکسپائرڈ لیڈرز کا زیادہ دیر نہیں چل سکتا، بہت سے لوگ مجھے اقتدار میں آگے نظر نہیں آتے، نئے لوگ آئیں گے۔